"Hau nia hanoin ne'e governu lalika halo promesa bara-barak, saida mak sira promesa ona ne'e, diak liu ezekuta ona tanba ita ko'alia Kona-ba Estadu Emergensia buat hotu tenke Emergensia, mais agora ita ko'alia tiha Estadu Emergensia maibe atividade governu nian la'o bai-bain hela la tau konsiderasaun ba Estadu Emergensia", dehan Nia via telfone, sabdu (2/5).
Reitor ne'e hatutan, Governu halo ona dekretu Lei katak agora ne'e Estadu Emergensia, tuir lolos buat hotu mos tenke la'o urjente agora periodu Estadu Emergensia fulan ida liu ona maibe governu sidauk implementa promesa ruma.
Iha Inisiu fulan Abril, iha Centru Cpnvensoeins Dili (CCD) Ministru Longuinhos dos Santos hato’o nia promesa ne’e ba jornalista sira katak, “aprezenta on a proposta ida ba MKAE interinu atu fornese lina internet totalmente gratuita ba Profesor no estudantes sira.”
VIDEO PUBLISIDADE APELU HUSI PM TAUR APLAUS BA FRONT LINE
Nune’e tuir reitor UNPAZ ne’e akresenta, Ministru Ensinu Superior Siensia no Kultura (MSSEK) Longuinhos do Santos promesa atu oferese Lina internet ba estudantes no docente sira, maibe ate agora Estadu Emergensia Fulan ida liu ona maibe parte MESSK la iha implementasaun ruma.
"Sr. Ministru divulga ona informasaun ba Publiku katak, atu oferese internet gratuita ba docente no estudantes sira iha tempu Estadu Emergensia mais to'o agora Sr. Ministru rasik halo ona deklarasaun politika mais seidauk halo enkontru ho Universidade tantu Publiku no privadu atu ko'alia kona-ba asuntu ne'e," tenik Nia
Akademista ne'e afirma, Governu atu oferese Lina internet gratuita ba Docente no Estudantes ne'e nia mekanismu mak presiza halo enkontru ho kada universidade atu bele universidade ida-idak aprezente ninia Docente ho Estudante ne'e ho tptal hira, atu nune'e bele oferese Lina internet ho fasil.
"Agora Ministru ko'alia hela de'it mais ate adata ministru la iha enkontru ida ho universidade atu ko'alia kona-ba asuntu meknismu atu oferese Lina internet gratuita ba Docente no Estudantes ne'e oinsa", Nia salienta
Entertantu antes ne'e Ministeriu Ensinu Superior Siensia no Kultura (MESSK) hateten ona atu oferese Lina internet gratuita ba Docente no Estudantes sira hodi fasilita prosesu aprendisajem iha tempu Estadu Emergensia.
PUBLISIDADE
