“Ita fó tristeza boot ba sira e ita mós fó onra memória ba ita-nia joven eroi sira ne'ebé mak fakar sira-nia rán tanba nesesidade duni, tanba ita-nia ukun-an ho prinsípiu ida mak mate ka moris ukun rasik-an, e sira mate ona no agora ita sira ne'ebé mak moris atu halo saida ne'e refleksaun ba ida-idak", dehan Lere iha Palasíu Presidensiál Bairopite, kuarta (10/11).
Maske maluk balun ne’ebé luta durante okupasaun nia laran hodi fó-an ba mate atu liberta rai no povu husi invazór.
"Ita-nia maluk sira ne'ebé mak mate, mate ona, atu hakoi di'ak ka la di'ak, ita fó ondra ka la fó ondra ita halo hotu ona, agora ita ne'ebé sei moris atu halo tan saida, ha'u hanoin katak refleksaun ba ita", afirma Lere.
Maibé laran triste ba jonrnalista Internasionál Max Sthall ne'ebé husik ona Timoroan iha loron 30 fulan-outubru liuba, tanba nia rasik mak fó sai Timoroan nia terus no mate ba mundu. Max Stahl mak laiha dalaruma joven timoroan mate mós ema la konta ba rai liur. (*)