“No entantu Ministériu ensinu superior seidauk konvida reitór sira para bele fó instrusaun para reativa aula, nune'e ita hein de'it instrusaun husi sira, tanba karta komunikasaun formál ba universidade atu reativa aula prezensiál ne'e seidauk iha”, dehan João Martins, iha salaun Ian Martin INFORDEPE-Balide, kinta (22/07).
Tanba dala-ruma reativasaun ne'e monu iha fulan-agustu, maibé nafatin iha ejizesia katak estudante, professor no funsionária sira tenke simu vasina kompleta, hafoin bele reativa aula prezensiál.
“Pode ser iha agustu nia laran maibé se akontese iha agustu nia laran di'ak liután, maibé nia ezijensia mak ne'e, ita hotu tenke vasina hotu, tantu profesór tantu estudante e funsionáriu sira tenke simu vasinasaun dalarua ona para bele permite aula prezensiál”, afirma nia.
Maske karta komunikasaun formál ba universidade atu reativa aula prezensiál ne'e seidauk iha maibé governu deside reativa fali aula prezensiál ne'e di'ak tebes ba universidade sira no profesór sira tanba bele hala’o filafali aula aprendisajen hanesan baibain.
Entretantu Estudante UNTL lubuk ida mak seidauk vasina tanba ne'e reitór UNTL apela ba sira ne'ebé seidauk vasina, atu hakbesik-an ba fatin vasinasaun ne'ebé Governu destinadu ona, tanba aula prezensiál ne'e mós nia ejinzesia tenke vasina kompleta. (*)