Tempotimor (Dili)-Ministru Ensinu Superiór, Siénsia no Kultura (MESSK), Longuinhos dos Santos, simu vizita husi Embaixadór Timor-Leste ba Mozambiké, Francisco Branco, hodi ko’alia kona-ba situasaun estudante timoroan sira iha Mozambiké nomós kona-ba posibilidade Governu halo planu atu haruka tan estudante sira ba estuda iha Mozambiké, liliu Universidade Eduardo Mondlane, hanesan Instituisaun ensinu superior ida rekoñesidu ho kualidade di’ak.
Tuir informasaun ne’ebé www.tempotimor.com asesu iha pájina MESSK, kinta (09/06) katak, vizita ne’ebé Embaisadór halo iha Loron tersa (07/06), hodi sujere ba Governu bele dezenvolve programa ida atu promove interkámbiu entre estudante nomós dosente ho instituisaun Ensinu Superiór iha Mozambike.
Embaxaidór rasik mós hato'o rekomensaun ba Governu atubele fó formasaun lingua portugués antes estudante sira ba eskola iha nasaun Mozambiké. (*)