Tempotimor (Manatutu)-Seminariu nasionál ida ohin, Tersa (29/09), realiza iha Manatuto. Seminariu nee hola parte husi matenek-nain sira neebé durante nee sempre hamosu hanoin kritiku ba prosesu dezenvolvimentu Timor-Leste.

Tempotimor (Dili)-Liga ba asaun Ángela Freitas nian ne'ebé hakarak hatún Lú-Olo no Taur Matan Ruak, Jenerál Lere Anan Timur konsidera Ángela hakarak hatún Xanana, Mari no Horta.

Tempotimor (Dili)-Lider Nasionál, Kay Rala Xanana Gusmão no Governu hadau atu ‘sarani’ ponte foun iha Postu Administrativu Laleia, Munisípiu Manatutu.

Tempotimor (Dili) - Xefe Estadu Maiór Jenerál FALINTIL-FDTL, Major Jeneral Lere Anan Timur hateten, veteranu sira daudaun ne'e kria distansia ba malu sei loke espasu ema seluk atu bele tama klaran hodi aproveita sobu unidade.

TempoTimor (Dili) - Eis Prezidente Republika Demokratika Timor Leste, Dr. Jose Ramos Horta husu VIII Governu lalika gasta tempo ba LEI KRIMINALIZA DIFAMASAUN maibe ho tempu ne'ebe limitadu, tinan rua de'it, di'ak liu prioritiza ba serbisu sira maka fo benefisiu ba povu laos gasta fali tempo ba asuntu Difamasaun.

Tempotimor (Dili) -  Prezidente Repúblika, Francisco Guterres Lú Olo, fó rekoñesimentu espesial ba fundadór movimentu ukun rasik-aan no unidade nasionál ne’ebé sei moris hanesan Mari Alkatiri no José Ramos Horta, inklui ba lider prinsipál no reorganizasaun luta libertasaun nasionál, iha 1981, Komandante FALINTIL, Xanana Gusmão.

Tempotimor (Dili)-Membru governu na'in sia (9), liu-liu membru governu na'in hitu (7) husi partidu CNRT, ne'ebé Prezidente Repúblika Francisco Guterres Lu Olo la fó pose sai nu'udar abut ne'ebé halo governu daualu "monu" iha dalan klaran.

Tempotimor (Dili) - Partidu Congresso Nacional Reconstrução Timor-Leste (CNRT)  halo ona kontaktu ho partidu polítiku balun hodi halo koligasaun foun ba formasaun IX Governu.

Tempotimor  (Dili) – Xefe Estadu Maior Jenerál F-FDTL, Major Jenerál Lere Anan Timur konsidera estetementu atuál Sekretáriu Jerál Partidu FRETILIN, Mari Alkatiri katak tempu besik ona lider sira atu tuur hamutuk filafali, tenke hatudu iha prátika. Jenerál Lere dehan, labele bosok.

"Uluk iha ai-laran mós ha'u nia maun Ramos Horta mai dehan gerrilleiru sira lakleur ona imi sei tun  ba villa hamutuk ho povu dada bandeira harii liberdade iha 1989. Maibé, to'o mai 1999 mak foin realiza. Ema hira mak la mate? Ne'e mak ha'u dehan, imi lalika mai bosok. Prátika mak hatudu. Dehan lakleur, bainhira ne'e ita lahatene. Lakleur ne'e, tinan 10 mós dehan lakleur," afirma Lere iha Palásiu Prezidensiál Bairru-pite, Kuarta (13/11).

Nia hatutan, lider sira tenke hamutuk para bele halo kritika ba malu hodi identifika ida ne'ebé mak loos ka sala.

"Ha'u rekoñese sira egois. Ne'e mak jerasaun tuan. Kuandu la tuur hamutuk ne'e tanba saida? Tanba  de'it arogansia ita lakohi sala. Lakohi ko'alia ba malu ne'e tanba saida? Prinsípiu uluk iha ai-laran kritika, dialogu ne'e mak prinsipál. Maibé, ita lakohi tuur hamutuk, se mak sala se mak loos, lahatene. Maibé, kuandu tuur hamutuk ne'e problema sala imi de'it mak hatene. La'ós ema liur," Lere dehan.

Lere esplika, lider na'in lima ka neen koñesidu iha Timor. Sira, tuir Lere, tenke hamutuk para kritika ba malu, tanba nasaun ne'e presiza la’o ba oin. Nia dehan, hamutuk mak iha forsa. Ketak ne'e, labele.

"Ha'u fiar, sira iha vontade duni atu hamutuk no iha responsabilidade. Tanba uluk ita hili ona opsaun atu ukun an. Entaun, tenke responsabiliza. Sei ita ukun an mak han malu, estrada ladiak, kiak nafatin ne'e ukun an la folin," Lere afirma.

Jenerál fitun rua ne'e mós fó analojia kona-ba uma ida ne'ebé presiza alicerse. Ne'ebé, tuir Lere jerasaun tuan sira mak tenke halo alicerse ne'e metin. Nia dehan, bloku ne'e iha alicerse nia leten.

“Bloku bele monu, maibé alicerse labele monu. Enkuantu alicerse monu, mak uma ne'e sei sobu rahun,” Lere haktuir.

Nia dehan tan, jerasaun tuan tenke preokupa ho joventude atu rai buat di'ak ba sira, atu dezenvolve no banati tuir.