Horta: Xanana sai PM, Membru Governu Pendente sei Rezolvidu

Eis Prezidente Dr. Jose Ramos Horta ko'alia ba midia sira iha sede partidu CNRT (22/2) Eis Prezidente Dr. Jose Ramos Horta ko'alia ba midia sira iha sede partidu CNRT (22/2) Foto tempotimor.com

Tempotimor (Dili)-Membru governu na'in sia (9), liu-liu membru governu na'in hitu (7) husi partidu CNRT, ne'ebé Prezidente Repúblika Francisco Guterres Lu Olo la fó pose sai nu'udar abut ne'ebé halo governu daualu "monu" iha dalan klaran.

Hafoin liu husi movimentu politika ne'ebé manas uitoan, ikus mai partidu politiku neen (6), kompostu husi CNRT, PD, KHUNTO, PUDD, UDT/FM, konsege konvense malu hodi halo koligasaun.

Hafoin formasaun koligasaun foun ne'e, Laureadu Nobel da Paz José Ramos Horta husu ba Prezidente CNRT Kay Rala Xanana Gusmão atu tenke lidera governu dasia nu'udar Primeiru Ministru.

Ho ninia lideransa, Horta fiar katak governu ne'ebé Xanana lidera sei konsege rezolve problema, liu-liu kona-ba membru governu na'in 9 ne'ebé la hetan pose husi Prezidente Repúblika Francisco Guterres Lu Olo.

Eis Prezidente Repúblika ne'e afirma, Xanana mak tenke sai Primeiru Ministru (PM) iha governu dasia tanba Xanana iha esperensia no autoridade.

"Sim, ha'u mós hatete maun boot (Xanana) ita mak tenke kaer metin governu ho ita-nia autoridade ho esperensia no ami hotu-hotu tane ita-boot par serbisu la'o di'ak."

"Nia (Xanana) mak tenke ba asumi kargu ida todan ne'e, tanba nia iha esperensia tinan 20 ona iha governu, iha prezidensia, internasional, nia hatene ekonomia no hatene problema boot fronteira terestre, maritima," dehan Horta iha Sede CNRT Bairro dos Grilhos, Dili, Sabadu (22/02).

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com