Aldeia Terus-Na'in iha Dili Kontinua Halerik ba Bee-moos no Estrada

Xefi Aldeia Terus Nain, Paulina Sarmento Barros koalia hela ho www.tempotimor.com iha nia rezidénsia Mota Ulun Maloa, sexta (08/01). Xefi Aldeia Terus Nain, Paulina Sarmento Barros koalia hela ho www.tempotimor.com iha nia rezidénsia Mota Ulun Maloa, sexta (08/01). Foto Tempo Timor

Tempotimor (Díli)- Maski Timor-Leste ukun-aan ona durante tinan sanulu resin, maibé to'o oras ne'e, komunidade iha aldeia Terus-Na'in, suku Villa Verde, postu administrativu Verra Cruz, iha munisípiu Díli nia ninin, kontinua halerik ba problema bee-moos ho estrada.

Xefi Aldeia Terus-Na'in, Paulina Sarmento Barros halerik, katak dfikuldade boot ne’ebé komunidade hasoru mak bee-moos no estrada, tanba bee-moos ne'ebé durante ne’e uza, kanaliza husi mota ne'ebé merak, inklui estrada kontinua aat iha tempu udan, rezultadu mota Maloa tun halo estraga totál.

"Hanesan preokupasaun boot ba komunidade iha ne'e mak estrada. Bainhira tempu udan, komunidade aldeia Terus-Na'in labele asesu ba iha estrada,tanba dalan mak mota", Xefi Aldeia Terus-Na'in hateten ba jornalista iha nia rezidénsia, Mota ulun Maloa, Sesta (08/01).

Kona-ba bee-moos, nia dehan, bainhira tempu udan, sira labele hetan bee-moos tanba bee ne'ebé daudaun sira uza, kanaliza husi Mota mak distribui fila-fali ba sira hodi uza ba konsumu.

"Kuandu mota la'o hela, iha ne'e tenke hemu bee-merak. Só bainhira udan para ona, bee foin mós no komunidade bele uza. Maibé sé mota boot, ninia merak ne'e dala-ruma to'o loron ida ou rua, depois mak nia foin mós fali hodi komunidade bele uza", nia preukupa.

Totál populasaun iha aldeia Terus-Na'in hamutuk 2.293, kompostu husi mane hamutuk 1.178, no feto hamutuk 1.115.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks