Tanba Konvensaun Nasionál ne'e nu’udar dalan ida atu deside entre Prezidente Partidu PD, Mariano ‘Assanami’ Sabino no Prezidente Konsellu Polítika Nasionál PD, Adriano Nascimento ‘’Loro Mau”, ne’ebé ikus mai retira husi kandidatura.

Durante konvensaun nasionál, Prezidente CPN/PD Adriano Nacsimento ”Loro Mau” deside retira ninia kandidatura tanba hakarak fó vitória ba Assanami atu kompete iha eleisaun Prezidensiál.

Sekretáriu Jerál PD, António da Conceição ‘Kalohan’ hatete, konvesaun nasionál ida ne'e, atu hola desizaun ikus, ba kuadru partidu na'in-rua ne'ebé marka ona sira-nia kandidatura atu kompete iha eleisaun.

"Konvesaun nasionál ida ne'e, atu foti desizaun ikus, entre Kandidatu na'in-rua, agora foti ona desizaun kandidatu úniku”, dehan Kalohan iha Salaun Leo-kase, Rai-kotu, sábadu (22/01).

Purtantu iha konvensaun nasioná ne'e, hetan partisiasaun másimu husi delegadu no estrutura Partidu nian, hahú husi nasionál no munisípiu, hamutuk 409, ne’ebé mak hola desizaun ba kandidatura nasionál PD. (*)