“Ami mai aprezenta planu ne'ebé mak iha tempu lubuk ida liuba kotuk, ami prepara liliu atu ko’alia kona-ba polítika sustentabilidade iha veteranu ninian. Polítika sustentábilidade ne'e atu dehan saida. Politika sustentábilidade ne'e atu sai realidade, siknifika ita tenke aprezenta planu, no estadu ka governu rasik tenke investe iha parte balu para ita hodi minimiza, para hodi ko’alia sustentábilidade”, dehan Gil da Costa Monteiro, iha rezidénsia PM, Farol, segunda (02/08).
Tanba iha polítika ne'e, la investe iha parte balu, la minimiza buat ruma, siknifika sustentábilidade laiha.
“Puré-zemplu, agora dadauk veteranu sira halo korte ba sira nia osan, ema iha US$30 ne'ebé to'o ohin loron, sira-nia osan ne'e hamutuk ona US$15 millaun itál. Maibé, ida ne'e to'o ona, ka lae?”, afirma nia.
Hoi da ne'e, esplika ba PM Taur Matan Ruak, ne'ebé uluk hanesan mós eis Vise Komandante Falintil iha tempu rezisténsia, hodi husu ba PM rasik bele fó hanoin liuhusi dalan rua, hanesan Veteranu no seluk nu'udár Xefe governu, bainhira fila, sira bele halo atividade ruma.
“Agora, aprezenta mós kona-ba estudu viabilidade ba politika kriasaun fundu ne'ebé mak koa osan husi veteranu sira individu ida-idak ne'ebé tau hamutuk aprezenta mós konseitu estudu viabilidadeida ne'e para señor Primeiru Ministru bele fó ninia opiniaun mós para ba ami bele produz hanoin sira ne'e atubele sai solusaun ka desizaun ida ba objetivu ida ne'e nian”, dehan nia.
Aleinde ne'e, aprezenta mós ba PM Taur kona-ba orsamentu jerál estadu ne'ebé kada tinan sempre gasta ba tratamentu saúde veteranu sira-nian, dala-ruma ko’alia mós kona-ba apoiu ba bolsu estudu ninian, maske seidauk implementa buat ida pursentu 100, maibé tanba lei proteje.
“Puré-zemplu, tratamentu saúde, sé tinatinan ita tenke gasta US$2 millaun ka US$3 millaun. Agora, preguntas, 2 ho 3 milloens ida ne'e, será quee tinatinan tenke mai nafatin husi orsamentu jerál estadu. Sé bolsu de estudu ita gastaUS$1,500 millaun tinatinan, puré-zemplu, será que US$1,500 tinatinan tenke mai nafatin ou mai permanente husi orsamentu jerál estadu, entaun lalika ko’alia kona-ba sustentábilidade”, afirma nia.
Polítika koa osan US$30 kada fulan husi veteranu sira-nian ne'e, hahú husi tinan 2020 to'o 2021 ne'e, sira akomoda ona orsamentu hamutuk rihun US$15 ho naran Fundu Investimentu Veteranu.
“Cortes ne'ebé durante ne'e veteranu sira fó, la'o di'ak. Osan ne'e nia naran fundu investimentu dos veteranu. Kuandu ko’alia kona-ba sustentábilidade ekonómia, tenke kontribui iha parte ruma mak hodi koalia kona-ba sustentábilidade. Bainhira mak investe. Investe modelu ida ne'ebé, ne'e ha'u seidauk ko’alia”, hatete nia. (*)
