Diretór Asia Justice and Rights (AJAR) José Luis Oliveira, hateten maneira uza forsa hodi kombate Covid-19 sei la rezolve COVID-19 maibé importante mak uza maneira atu envolve komunidade iha área fronteira.
"Aprosimaasaun atu rezolve problema ne'e (Covid-19) labele deit husi aspeitu seguransa, se ita uza modelu seguransa sei la rezolve problema," dehan José Luis Oliveira ba www.tempotimor.com iha nia kna'ar-fatin Palapasso, Dili, segunda (15/02).
Oliveira akresenta, komunidade mak sai papél importante (parseiru) governu tamba ne'e, importante mak presiza atu sosializa, avizu ba komunidade kona-ba perigozu husi Covid-19.
"Tanba ita-nia komunidade sira barak mak nia kapasidade atu komprende COVID-19 ne'e sei menus no depois tanba sira la haree ho matan entaun sira la fiar, entaun maneira mak tenke mobiliza sira atu vijilánsia, so komunidade mak bele halo vijilánsia," dehan Oliveira.
Antes ne'e husi parte Sentru Integradu jestaun krize (SIJK) deteta sidadaun ida (feto) pozitivu Covid-19 hafoin hakat ilegál hosi Atambua, Indonézia husi Memo, Bobonaro iha 28 fulan-janeiru. (*)