Ministru Prezidénsia Konsellu Ministru Fidelis Leite Magalhães informa, proposta halo promosaun ba lider militar ne'e, aprezenta husi Ministru Defeza (MD), Filomeno da Paixao de Jesus no hetan ona aprovasaun husi Konsellu Ministru.
"Konsellu Ministru aprova proposta ne'ebé halo promosaun patente alta sira militar nian, entaun lider militár nian, entaun ohin aprova atu bele halo promosaun ba sira", Fidelis relata hafoin reuniaun Konsellu Ministru iha palasiu governu, Kuarta (25/11).
Nia subliña, lider alta militar nian ne'ebé atu hetan promosaun mak, Xefe Estadu Maior Jeneral F-FDTL Maijor jeneral Lere Anan Timur ba tanente-jenerál, Brigadeiru Jenerál Domingos Raul (Falur Rate Laek) ba Maijor-
Jenerál, Koronel Calisto dos Santos Coli (Coliati) ba Brigadeiru Jenerál, no Kapitaun-de-mar-e-guerra Donaciano da Costa Gomes (Pedro Klamar Fuik) ba Komodoru.
"Komodoru ne'e hanesan, pankat forsa Naval nian", Nia klarifika (*)