Tuir fonte tempotimor.com, koligasaun AMP lamenta tanba too agora ministériu balun iha VIII Governu Konstituisionál seidauk iha lei orgánika.
Fonte seluk iha Governu laran mos konfirma katak, lei organika Ministeriu balun aprova ona iha Konsellu Ministru maibé baixa ba MRLAP atu hadi'a mak sei budu hela iha gaveta.
“To’o ohin loron mezmu lei orgánika ne’e aprova ona iha Konsellu Ministru nian maibé to’o agora sei budu hela iha Ministru Reforma Lejizlativa Asuntu Parlamentár nia-gaveta”, lamenta Ministru balun, Kinta (4/4).
Primeiru Ministru, Taur Matan Ruak, rekoñese lei barak sei pendente, maibe naturalmente ne'ebé tama uluk tenke prosesu uluk.
Xefe Governu dehan, dehan lei ne’ebé mai ikus labele prosesa uluk, tanba ministériu seluk bele kestiona, tanba kestaun prosesual buat hotu sei la'o.
“Ami esforsu makaas iha tempu badak bele regulariza orgánika sira ne'e hotu”, dehan nia.