"Ohin mai hato’o konvite ba PM hodi ba partisipa iha serimonia ida naran COP28, ne’ebé enkontru kona-ba mudansa klimatika nian, maibé seidauk iha resposta husi exelensia PM, tanba traballu barak iha periodu ida ne'e, maibé PM hato’o obrigadu ba konvite ne’e i hato’o komprimentos ba PR no PM UAE nia", nia informa iha palásiu governu, tersa (03/10).

Serimonia ba COP28 ne’e sei realiza iha loron 30 fulan-novembru to'o loron 12 fulan-dezembru tinan 2023.

Ohin mós ko’alia oituan kona-ba prezidente repúblika, José Ramos Horta ninia vizita ba UAE  iha loron 13 fulan ne’e, hodi partisipa iha world climate action.

"Iha diskusaun ohin PM ko'alia oituan kona-ba vizita do estadu PR ninia, ne’ebé atu ba vizita iha UAE iha dia 13 de outobru tinan ida ne’e, i ko’alia mós oinsa mak haree kooperasaun área prioridade saida mak TL ho estadu UAE bele explora atu hametin relasaun bilateral no mós kooperasaun entre rai rua ne’e", nia afirma.

Nune’e sei iha posibilidade asina akordu rua kona-ba área mina no gás no mós iha área infraestrutura, atu loke odamatan ou sai baze ida atu explora liu tán potensiál kooperasaun entre rai rua ne’e.

"Espera katak asina duni akordu rua ne’e no ita bele haree saida mak bele implementa konkretamente depois de vizita PR". (*)