Ministru Prezidénsia Konsellu Ministrus, Fidelis Manuel Leite Magalhães hatete, Ministru Finansas, Rui Augusto Gomes, mós halo aprezentasaun ida kona-ba inisiativa kriasaun estratéjia kona-ba reforma jestaun finansas públika Timor-Leste tinan 2022-2027 nian.
Estratéjia ida-ne’e ho objetivu atu hametin polítika fiskál atu mellora disiplina fiskál no estabilidade makroekonómika, hadi’a mobilizasaun rekursu sira hodi kria espasu fiskál, aloka rekursu sira konsistente tuir prioridade ne’ebé define ona PED 2011-2030 nian, promove efisiénsia iha utilizasaun rekursu públiku hadi’a ezekusaun orsamentu no promove prestasaun kontas liuhusi supervizaun esterna, transparénsia no orsamentasaun.
Entretantu Vise Ministru Komérsiu no Indústria, Domingos Lopes Antunes, aprezenta mós opsaun polítika lejizlativa ne’ebé sai hanesan baze ba inisiativa kriasaun sistema unidade medida legál no inisiativa kriasaun rejime jerál ba kontrolu metrolójiku legál nian.
Inisiativa ida-ne’e ho nia objetivu atu regula uzu instrumentu sira medisaun, unidade medida, unidade padraun, métodu medisaun no instrumentu sasukat todan nian.
Tanba iha mós objetivu atu determina entidade hirak ne’ebé maka kompetente ba kontrolu metrolójiku no ba ninia inspesaun no fiskalizasaun. (*)