“ASEAN nu’udar organizasaun sai respeitadu iha mundu no nu’udar ekonomia ASEAN sira boot tebes, populasaun besik millaun 700, sira-nia JDP ekonomia hamutuk trillaun $4, apezar iha problema oioin dezenvolvimentu maibé ASEAN sai parseiru boot iha mundu”, dehan PR Horta hafoin partisipa iha selebrasaun loron ASEAN ba dala-55 iha embaixada Tailándia, iha Faról, segunda (15/08).

Tanba ne'e fó parabéns ba ASEAN, iha momentu ne’ebé defisíl tebes iha rejiaun Guerra fria problema oioin, maibé konsege hatudu nasaun 10 iha ASEAN manán influénsia prestíjiu boot iha mundu.

Maibé kona-ba Timor-Leste nia preparasaun adezaun ba ASEAN ida-ne'e halo durante tinan lubun ona mezmu seidauk preparadu buat hothotu maibé kondisaun oituan preparadu hela ho mós avaliasaun sira-ne’ebé ekipa ASEAN ninian halo ba Timor-Leste.

Dadauk Timor-Leste ninia dezenvolvimentu ekonomiku, infraestrutura, rekursu umanu, nomós esperiénsia internasionál iha organizasaun internasionál barak Nasaun Unida, G7+, Timor-Leste mós lidera parte balun hanesan climate change sai hanesan porta vós (list development country).

Tanba ne'e hatudu katak Timor-Leste mós iha nja esperiénsia ho rai seluk iha ASEAN, ne'ebé tinan 20 fó apoiu konforme sira-nia kondisaun ne’ebé iha.

Ba preparasaun ida-ne'e, nu’udar Xefe Estadu hein katak iha tinan 2022 ka 2023, Timor-Leste bele adere ba ASEAN. (*)