Tuir observasaun www.tempotimor.com iha terrenu nota katak, Xanana to'o iha Aeroportu Internasionál Nicolau Lobato Díli, maizumenus iha tuku 12:28 meiudia.
Tuir fontes www.tempotimor.com ne’ebé hanesan mós ema importante iha partidu Congresso Nacional Reconstrução Timorense (CNRT) hateten, líder nasionál ne’e atu ba konsulta saúde iha nasaun viziñu Indonézia.
“Katuas atu sai no aviaun zet ida mak mai tula hodi ba halo konsulta ba katuas nia Saúde”, fontes ne’e hateten ba www.tempotimor.com.
Iha fatin hanesan, fonte seluk ne'ebé lakohi fó sai nia identidade, hateten, tuir planu Xanana sei arranka husi Díli iha tuku ida meiudia.
Observasaun seluk ne’ebé www.tempotimor.com hare iha terrenu nota katak, eis membru governu hamutuk na'in-hitu, hamutuk ho entidade barak mak akompaña Xanana Gusmão ba Aeroportu Comoro.