Tempo Timor - Kanal Notisia, Husi imi ba imi

Switch to desktop Register Login

JSMP DETETA DEFISIENSIA BARAK IHA TRIBUNAL Featured

  • Written by 
Rate this item
(0 votes)

Prosesu justisa iha Timor-Leste seidauk lao diak no sei mosu difisiensia barak. Problema hirak ne'e mosu tanba limitasaun rekursu umanu iha setor judisiariu.

Diretor Ezekutivu JSMP, Luis Sampaio hateten, durante halo monitorizasaun iha Tribunal konsege deskobre difisiensia ne'ebe mosu iha ne'eba.

"Ami rekomenda atu hadia no mos kontinua akompaña prosesu sira ne’ebé la’o iha Tribunal", dehan nia, iha salaun Ministeriu Solidariedade no Inkluzaun Sosial (MSIS), Kaikoli, Sesta (23/11).

Tuir nia, sistema judisiariu iha Timor-Leste aspetu balun presiza atu Estadu kontinua nafatin halo investimentu liuliu iha area formasaun judisiariu.

Tuir Luis, numeru autor justisa sira seidauk sufsiente atu bele responde ba nesesidade justisa povu nian.

"Juis na’in tolu nulu, prokuradór na’in tolu nulu, Ministériu Publiku na’in tolu nulu no defensór públiku na’in hitunulu resin, maibé numeru ne'e uitoan de’it mak prátika iha tribunal", dehan nia.

Nia hatutan, ho numeru ne’e seida’uk reprezenta nesesidade justisa povu ninia, tanba ne’e kazu barak pendente, kazu sivil la julga.

Ne'e duni presiza esforsu makaas liu, investimentu makaas iha sentru formasaun judisiariu, preve mekanizmu formasaun judisiariu ne’e atu mobiliza timoroan barak, judisiariu sira bele asesu ba formasaun ne’e.

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Website: www.tempotimor.com Email This email address is being protected from spambots. You need JavaScript enabled to view it.

@2018 - Tempo Timor. Developed by Kalohan.net

Top Desktop version