"Kuandu ita haree ba tinan 18 nia laran osan ne'ebé mak ita gasta ba mina nomós manutensaun ha'u iha númeru iha ne'e, tokon 257.779.899 millaun ne'e dehan tokon ne'e”, dehan Rui Augusto Gomes iha nia intervensaun bainhira halo diseminasaun regra prosedimentu jestaun realokasaun Veikulus Estadu iha Salaun Ministériu Finansas, tersa (18/01).
Tanba despeza ba mina no manutensaun karreta boot liu tanba ida ne'e mak Oitavu Governu nia Governasaun hasai rezolusaun ida atu hapara lori karreta Estadu ba uma.
"Iha tinan kotuk Oitavu Governu konstitusionál aprova rezolusaun númeru 130/2021 kona-ba jestaun realokasaun Veikulu Estadu no tuir kedas ho aprova númeru 21/2021 kona-ba subsídiu mensál transporte ne'ebé hahú tama envigór iha fulan ida ne'e nia laran”, esplika nia:
Bazeia aprovasaun rezolusaun no aprovasuan hirak ne'e fó kompeténsia ba Ministériu Finansas (MF) atu koordena no organiza, veikulud Estadu nomós subsídiu mensál transporte.
"Ninia objetivu mak atu redúz husi utilizassun veikulu Estadu nian”, esklarese nia. (*)