"Iha Suku Makalaku, komunidade hotu simu ona subsidiu US$200, maibé uma-kain rua ninia dokumentu mak la iha, no ida seluk mós la simu mezmu nia iha ona oan ida, maibé nia idade seidauk to'o, nune'e iha hamutuk uma-kain rua mak la hetan", nia informa ba www.tempotimor.com, via telefone, kinta (22/12).

Uma-Kain rua ne'e mai husi hotu Aldeia Bocilai ne'ebé ida idade seidauk to'o mak harii ona uma-kain no ida seluk mak la iha dokumentu hanesan foto no dokumentu seluk, ne'ebé la prense rekézitu simu subsidiu US$200 ba tinan 2022 nian.

"Nia harii ona uma-kain oan ida, maibé nia tinan seidauk to'o, nune'e eleitorál de'it mós la iha, tanba ne'e nia la simu, maibé sira seluk ne'ebé naran la sai ka lista reklamsaun tinan 2021 ne'e simu hotu ona", haktuir nia

Nune'e, kona-ba programa Cesta Bázika ne'ebé governu distribui hahán ba komunidade iha suku Makalaku remata ona, no labarik sira ne'ebé moris ikus mak naran la tama lista, maibé Xefe Suku Makalaku submete ona lista haruka ba, nune'e agora hein de'it husi governu.

"Agora ita hein de'it, agora lista sira ne'e, kompaña la fahe ona Cesta Bázika, maibé kuandu governu haruka sira atu fó fali Cesta Bázika ba lista ba labarik sira ne'ebé moris ikus, nune'e depende de'it fali ba governu", dehan nia.

Suku Makalaku iha Aldeia tolu hanesan Bocilai, Defada'e, Makalira, ho nia komunidade hamutuk uma-kain 100-resin. (*)