Tuir informasaun ne’ebé www.tempotimor.com, asesu iha pájina MTKI, kinta (18/08) katak, iha aprezentasaun ne’ebé mak prejide husi Prezidente Conselho Administrasaun IQTL,IP, Rosito de Sousa Monteiro, akompaña husi Sekretáriu no Vogál sira aprezenta progresu Ezekusaun orsamentu 2022 ba Ministru katak, IQTL, IP iha programa rua (2) iha tinan-2022 mak hanesan Boa-Governasaun no jestaun Institusionál nomós iha programa investimentu no diversifikasaun Ekonomika ho ninia Sub-Programa tolu (3) mak hanesan Boa-Governasaun, jestaun Institusionál no Meterolojia, Normalizasaun ho átividade hamutuk ualu.
Iha intervensaun Ministru nian fó hanoin nafatin ba IQTL,IP atu projeta ezekusaun orsamentu tuir programa ne’ebé mak hetan ona aprovasaun, atu nune’e bele atinje metas ne’ebé iha.
Alende ne’e, Ministru José husu ba Konsellu administrasaun atu prepara planu tinan-2023 nian bazeia ba kompeténsia ne’ebé fó ba institutu tuir Dekretu-lei númeru 10/2018 de 9 de Abril ne’ebé halo ona premeira alterasaun ho Dekretu-lei númeru 15/2021 de 15 de Setembru. (*)