Tuir informasaun ne’ebé www.tempotimor.com, asesu iha pájina MTKI, kuarta (17/08) katak, implementasaun ka atividade formasaun kona-ba Komesa ita-nia negósiu (KIN) iha Munisípiu Bobonaro, no programa fasilidade garantia kréditu suave hanesan politika ne’ebé Kovernu konstitusioná liuhusi MTKI estabelese hodi fó biban ba mikro pequenas no media empresa foin hahú (star-up) no eziste atu asesu ba finaseiru liuhusi kréditu suave (kréditu ho funan ki’ik ) ho jurus 3% kada tinan, periode de graça husi fulan 3-6, programa realiza liuhusi servisu hamutuk entre MTKI, PNUD, BNCTL no IADE.
Objetivu husi atividade formasaun ne'e, atu gia komunidade sira liuhusi formasaun ne'e atu nune'e komesa negósiu ne'e atu emprezáriu sira iha Munisípiu sira bele hetan kuñesimentu no abilidade kona-ba elabora planu negósiu husi Munisípiu Bobonaro hodi finansiamentu ba setór negósiu ne'ebé mak viável, kria empregu, esportasaun nomós hetan rendimentu. (*)