Tuir informasaun ne’ebé www.tempotimor.com, asesu iha pájina MTKI, domingu (07/08) katak, iha formasaun ne'e realiza iha sentru inkubasaun no inovação empresariál Matadouro-Dili.
Objetivu prinsipál husi formasaun ne'e, atu fó definisaun no prosesu ida ne'ebé komprensivu kona-ba dezafiu inovasaun emprezariál no komprende di'ak liu kona-ba fluksu implementasaun nian iha nível munisípiu.
Tanba ne’e, atu iha koñesimentu klaru kona-ba sira-nia tarefa individuál no koletiva ba eventu ne'e tomak atubele garante kualidade implementasaun nian.
Ba formasaun ne’e fasilitadór mai husi Diresaun Jéral Indústria, Carlos Lopes Ximenes, Bernardino de Menezes (DN-ADMPME), Angelito da Costa (DNCSP), Abrão Soares (reprezentante UNDP/MTKI ), Francelino Guteres (UNDP) ho ekipa sira nomós funsionáriu sira husi Ministériu Turizmu, Komérsiu no Indústria ( MTKI ) no membru IADE superviziona ekipa projetu. (*)