“Agora iha Suku Soba, Postu Administrativu Laga, programa oitavu Governu nian dezenvolvimentu ne'ebé mak la'o hela”, deklara Xefe Suku Francisca iha Laga Tomagua, sesta (05/08).

Tanba liuhusi proposta ne'ebé mak Suku dirije ba parte relevante kona-ba bee-moos, eletrisidade no estrada hetan ona responde, no ékipa tekníku husi eletrisidade no bee-moos nian mak hahú ona servisu.

Maibé parte estrada foun ba Aldeia Asanunu no Fatiliri nian, planu ona sei implementa iha fulan-setembru tinan-2022, tanba Uma Kbi'it La'ek (UKL) hamutuk 3 iha Aldeia refere seidauk implementa.

“Perfurasaun bee nian hotu ona, agora entrega filafali ba kompaña ida mak atu dada, ne'e bele sufisiénte ona, bailoron lakuran ona ba bee, e mós agora dadaun rin liña eletrisidade mós la'o hela”, hatete nia.

Ba Bee-moos sei oferese ba komunidade husi Aldeia Butufalu, Sauatiisi, inklui edifísiu públiku sira iha Postu Administrativu Laga, enkuantu eletrisidade oferese ba Aldeia Bolehan no Laikua, tanba antes ne'e komunidade husi Aldeia 2 utiliza de’it lampariña.

Haree área juridiku Suku Soba iha Aldeia Boleha, Asanunu, Fatiliri, Laikua, Eu-uai, inklui Butufalu ho totál populasaun hamutuk 2353. (*)