Tuir informaasaun ne’ebé www.temotimor.com asesu iha pájina AIFAESA, kinta (02/06) katak, atividade Inspesaun konjunta ba loron daruak konsentra iha atuvidade indústria produsaun Bee no supermerkadu sira iha Postu Administrativu Dom-Aleixo, Munisípiu Dili.
Ekipa inspesaun konvoka na’in ba indústria bee rua (2) ne'e tanba la aprezenta lisensa komersiál. Iha asaun inspesaun ne'ebé halo ba indústria produsaun Bee, ekipa verifika kondisaun produsaun Bee nian hahú husi prosesu produsaun to’o sirkula iha merkadu.
Aleinde indústria produsaun Bee, ekipa mós halo kontrolu ba supermerkadu tolu (3) iha área Postu Administrativu Dom-Aleixo no identifika supermerkadu rua (2) komersializa produtu liu prazu.
Produtu liu prazu hirak ne'e hanesan Kuku Bima Ener G Jambu, Kuku Bima Ener G Jeruk, Tolak Angin, Alang Sari, Dole Tropical Fruit Coctail, Natsbee, Make Mi Goreng no Aku Sambal.
Ba produtu liu prazu hirak ne'e inspetór sira asegura iha armajen AIFAESA nian hodi hein prosesu tuir mai. (*)