“Kona-ba jestaun lixu iha Tibar, ha'u atu hato'o ba ita-boot sira katak Governu asina ona kontratu ho empreza ida para atu transforma lixeira tibar ba ateru kontroladu”, dehan Ministru Administrasaun Estatál (MAE), Miguel Pereira de Carvalho, hafoin finaliza enkontru ho Prezidente Repúblika (PR), Francisco Guterres ‘Lú Olo’ iha Palásiu Prezidensiál, Bairopite, segunda (25/04).

Ba kontratu ne'ebé Governu liuhusi MAE asina ho kompaña ne'e sei dura ba tempu tinan 10 no husi kotrantu ne'e kompaña sei hamate uluk ahi iha liseira Tibar hafoin nahe lona ba rai atubele simu hikas lixu no foer sira ne'ebé sei lori ba Tibar.

Tanba haree katak liseira Tibar sai hanesan fatin produsaun ba ai-suar, hodi lori risku ba ema nia saúde, tanba ne'e Governu deside sei ke'e sai lixu tuan sira iha ne'eba, hafoin tau lona.

“Ida ne'e ita sei bele hadi'a jestaun lixu ateru kontroladu iha Tibar”, afirma nia.

Ho ida ne'e, tinan 2022 liseira Tibar Governu sei trata ho di'ak, iha forma ida agora ba forma ida ateru kontroladu.

“Ha'u la dekor empreza ne'e, purtantu ha'u labele fó hatene ba ita-boot sira”, hatete nia. (*)