Tuir informasaun ne'ebé www.tempotimor.com asesu iha pájina ofisiál Ministériu Turizmu Komersiu no Industria, kuarta (06/04) katak, serimónia asina akordu ne'e, Diretór Incanto Group, Joanico Jeronimo hato'o nafatin agradese ba Governu daualu liuhusi MTKI ne'ebé partisipa iha Expozisaun Dubai 2020 nune'e loke dalan ba ajénsia rua ne’e hodi asina akordu atubele loke dalan ba Timoroan sira bele ba servsiu iha UEA.
Biban ne’e Prezidenti Arabian Centers Human Resources Group Jobs Global, Samer Salibi hatete, asina akordu ne’e hodi hametin liután kooperasaun hodi bele fasilita Timoroan asesu ba servisu iha UEA.
Ajénsia Rua asina akordu ofisiál refere tanba atividade Expo-Dubai ne’ebé mak Governu daualu organiza hodi partisipa iha Expozisaun Dubai 2020, iha EAU iha tinan 2022 nia laran.
Atividade asina akordu ne’e oinsá bele fasilita traballadór Timoroan sira ba servisu iha Dubai. (*)