“Governu mós agora dadauk iha ona faze de konkursu ida atu hahú ona ninia implementasaun sentru de akollamentu multifunsaun ke agora dadaun iha ona planu atu konstrui iha sítiu Hera Mota Ninin”, dehan nia iha Edifísiu MAE, Kolmera, segunda (04/04).

Ba sentru akollamentu ne'e sai hanesan medida polítika ida ne'ebé Governu kria atu evita lori vítima dezastre naturál sira ba hela iha fati-fatin.

Tanba akontesemientu iha 4 abril, kuaze ema liu rihun-31 sai vítima ba akontesimentu dezastre naturál, lakon sasán, no balun lakon vida.

Iha loron 4 abril ne’esai hanesan loron istoriku dezastre naturál nian ne'ebé konsidera boot liu iha Timor-Leste, tanba rezulta vítima populasaun purvolta 31 mil, ho númeru populasaun rihun-4-resin, iha altura ne'ebá, no to'o ohin loron sei lori nafatin traballu lubuk ida.

Governu liuhusi ministériu Administrasaun Estatal nomós Sekretáriu Estadu Protesaun Sivíl (SEPPS) mós hala'o konferénsia nasionál ida kona-ba dezastre naturál.

Nune’e ko'alia kona-ba pursentu hira mak sei hela iha fatin refuziadu ne'e, dadauk laiha tiha ona, maibé iha vítima no família 65 mak Governu liuhusi Autoridade Munisípiu lori sira ba sentru alojamentu temporária atubele hein politika reorganziasaun urbana bairo foun nomós iha politika seluk ne'ebé Governu atu antesipa akontesimentu proximu hanesan dia 4 de setembru Icolona Seroja.

Maibé politika Bairo foun ne'e Governu iha medida rua, ba ezersisiu resposta emerjénsia nomós ba proximu dezastre naturál.

“Governu antes ne'e halo ona levantamentu iha Hera atu iha rai, primeiru Sekretáriu Estadu Tera no Propriedade tenke liberta rai atu konstrui fatin ne'e, segundu ita tenke alina ba politika reorganizasaun Urbana ho Polítika no Ordenamentu ke MPO mak lidera hela prosesu ne'e, mais ba estatál oinsá mak responsabiliza konstrusaun implementasaun projetu ne'e bele la'o”, esplika nia.

Tanba ne'e, iha prinsípiu ida ne'e Governu planea ona katak sei halo tipu implementasaun rua, ida mak bairo foun ba sira ne'ebé mak agora vítima loron 4 abril ne'ebe to'o agora uma seidauk iha.

“Agora ba sira ne'ebé mak atu prevene ka antesipa ho prosimu akontese dezastre naturál ne'e mak ita bolu dehan apartament, maibé ami husi parte Governu ke aprova liuhusi Konsellu Ministru, ami bolu Sentru akoillamentu Multifunsaun, atu evita katak kuandu akontese karik, ita labele lori ema ba sede suku, labele lori ema ba liseu sira ka iha fatin-fatin”, haktuir nia. (*)