“Ha'u fó detalamente kona-ba servisu tinan ida nian ho nota entendementu mais tinan ida nian, sentru nasionál chega ho RTTL,EP iha kompromisiu programa pakote tolu, ho totál $21.50 mill dólar, pakote primeiru, Talk show, Chega esperansa normalmente husi ne'e pakote sanulu, segundu pakote kobertura ba komemorasaun eventu istóriku balun no halo kobertura ba semináriu sientífiku iha CNC”, dehan Diretór Ezekutivu CNC, Hugo Fernandes, iha salaun CNC, antigu Komarka Balidi-Dili, segundu (28/03).
Tanba tinan 2022 ne'e, sentru nasionál chega (CNC) planu sanulu ba komemorasaun eventu istóriku, ne’ebé akontese dadaun iha Uatulari semana kotuk iha Turiskai.
“Kooperasaun ne'e kontinuidade ho tinan tolu liu ba, ohin ita renova fali programa ne'e ba tinan tolu mai, ho nota entendimentu ne'e ita ko'alia ho instituisionál, primeiru oinsá CNC ho RTTL bele kapasita-an husi kooperasaun ne'ebé la'o, fahe rekursu no implementa programa ne'ebé sai mandatu iha instituisaun rua ne'e”, esplika nia.
Haree ba kooperasaun ida ne'e atu hametin liu istória luta nian no pasadu, oinsá ema ida iha istória ida iha kanál fó sai, durante ne'e rona de'it ema ko'alia istória, dala barak ema baibain nian siknifikadu luta laiha balansu.
CNC fó mós espasu ba públiku atu ema hotu fó sai ni’a luta ka istória ba públiku, ba nia luta populár ida tanba ema hotu nia partisipasaun mak determina luta ida ne'e.
Prezidente Konsellu Administrasaun Rádio Televizaun Timor-Leste, empreza públika (RTTL,EP), José António Belo ‘Taraleu’ hatete, iha atividade asina akordu ne’e renova akordu tuan, no asina Memorandu nota entendementu ba kooperasaun iha futuru.
“Asina mós kontratu ida kona-ba memorandu nota entendementu ba kooperasaun hodi implementa iha RTTL ho CNC, no RTTL hanesan orgaun públiku ida, no mídia empreza ida atu hala'o nia dever hodi bele apoiu orgaun sira seluk, atu dezamina informasaun ba públiku”, dehan nia.
RTTL iha espasu boot ba públiku atu uza espasu ida ne'e, tanba dadaun ne'e RTTL uza de'it 18 oras, 6 oras livre hela, nune'e komunidade sira bele uza hodi fó sai nia istória, kooperasaun ida ne'e ba tinan ida momerandu tinan tolu. (*)
