Maske nune’e, kontinua aviza ba komunidade atu halo prevensaun nafatin ba surti Covid-19 hodi no kumpri Eatadu emerjénsia ne’ebé governu deside.
"Ita mós esforsu maka’as tebes, ita kooperasaun hamutuk ho parte Sentru Intergradu Jestaun Krize (SIJK) liuliu ba Munisípiu Dili, ami iha ekipa ida para la’o hamutuk ho Polísia sira aviza bebeik ba komunidade, só que komunidade mak ulun fatuk toos la rona e laiha konsiénsia, sira hanesan anggap dehan moras ida- ne'e la vale ba sira, tanba ida ne'e mak agora dadaun ida haree komesa hadaet ona no transmisaun lokál mós hahú barak”, dehan Gaspar ba www.tempotimor.com iha nia kna’ar fatin Bekora Dili, segunda (22/03).
Gaspar dehan, sira-nia parte hamutuk ho Saúde kontinua sosializa, aviza liuhusi karreta bazeia orientasaun husi Admistrasaun Munisípiu Dili kona-ba prevensaun Covid-19 hodi implenta regra distánsia sosiál, uza máskra, fase liman no labele halibur malu.
"Maibé dala-ruma ita Timor ne'e toman, ita-nia kultural seremónia oan ruma sempre halibur malu ne'e mak inpaktu hanesan ne'e”, afirma nia.
Antes ne'e mos, ba www.tempotimor.com, adjunto admistrasaun Munisípiu Dili, António Moniz Calau hatete fó sai ona orientaun ba Admistradór postu admistrativu sira, xefe suku to’o aledia atu kontribui hapara korenti surtu covid-19 ne'ebé kada loron aumenta ba bebeik.
"Ita-nia orientasaun nafatin ba Xefe suku, aldeia atu hato'o ba komunidade liuliu izola nia-an, labele halibur malu liu ema rua ka tolu no nafatin uza máskra iha ne'ebé de’it”, dehan António iha nia kna’ar fatin Matadoru Dili, kinta (18/03).
Hanesan Autoridade iha dever fó hatene ba komunidade iha Dili hodi kuidadu saúde pesoál liuhusi estabelese ekipa task force ba prevensaun Covid-19 no Dengue, maibé pratikamemte kuaze komunidade nafatin seidauk la’o tuir orientasaun, tanba nesesidade ekonomia.(*)