Octavio dehan, tuir lei númeru 5/2017, KRAM iha kompetensia atu fó lisensa, fó autorizasaun loke sentru, klubu ka organizasaun arte marsiais, no mós bele taka fila fali.
"KRAM bazeia ba artigu 28 to’o 30 lei numeru 5/2017 iha tempu badak ami sei hamosu diretiva hodi regula kona-ba sansaun ne'ebé atu aplika ba grupu arte marsiais sira, mais hakarak hatete katak iha tinan hirak ba kotuk lei numeru 10 ne'e iha ona modelu sansaun ne'ebé mak atu aplika," dehan Octávio iha nia knar fatin, SEJD, Lecidere, Tersa (18/8).
Husi sansaun sira ne'ebé atu aplika, nia dehan, sansaun todan liu mak taka permanente GAM ne'ebé komete krime organizadu.
"Sansaun ne'ebé kaman mak halo xamada atensaun, adertarismu, koema i ida mak cabut fali sira-nia lisensa, todan liu ona mak taka fila fali," nia hatete.
Dadaun ne'e, nia dehan, KRAM seidauk aplika sansaun tanba sei hein GAM sira submete prosesu admistrativu hanesan rejistu, re-rejistu no re-atualizasaun, hafoin aplika sansaun bazeia ba lei.
"Em prinsipiu ami hein prosesu admistrativu lao loos hotu ona pois ita haree," dehan Octávio.
Prezidente KRAM ne’e dehan, bainhira GAM lakohi atu hetan sansaun, di’ak liu evita hamosu problema.
PUBLISIDADE HUSI MOP FO PARABEMS BA LORON FALINTIL