"148 uma kain inklui xefi aldeia ida mak seidauk simu direitu subsídiu $200. Sira iha direitu simu tanba rejista iha livru suku maibé, to’o agora seidauk hetan," Ricardo dehan ba www.tempotimor.com via telefónika, Kuarta (02/12).
Ricardo akresenta, nu'udar autoridade suku hato'o ona lista reklamante 148 ba admistrasaun Munisipiu Baucau vila no relata ona ba nasional atu verifika.
Suku Tirilolo rasik hamutuk aldeia ne'en (6) hanesan Betulale total uma kain 513, Lutumutu 608 uma kain, Caisido total uma kain 193, Osso-Ua total 176, Parlamentu hamutuk 111 uma kain no Lialai-lesu uma kain 162, ho total hamutuk Suku Tirilolo iha uma kain 1.799 no total populasaun ema na’in 11.756.
Antes ne'e Ministeiru Admistrasaun Estatal konklui ona total 13.044 reklamantes ne'ebé rekomenda husi Ministeiru Soridaridade sosial no Inkluzaun (MSSI), husi dadus refere total 600 eital mak sei lakon direitu pagamentu subsídiu Covid-19 tanba rekomenda husi xefi suku sira.(*)