Tuir komunidade Aida Belo ne'ebé kada loron hala'o nia atividade negósiu iha área refere katak, riin eletrisidade ne'e monu tanba anin boot.
"Riin eletrisidade sira ne'e monu tanba horseik anin boot, mais ema to'o agora ema seidauk mai haree, sira media mós seidauk mai haree," dehan Aida iha fatin akontesimentu ba www.tempotimor.com, Segunda (31/08)
Komunidade ne'e mós husu ba governu liu-liu instituisun EDTL atu bele tun direta hodi rezolve problema refere, tanba kauza husi akontesimentu ne'e anin boot ka kestaun natureza nian.
Akontesimentu ne'e, akontese iha Aldeia Kairabela, Postu Administrativu Vemasse, munisípiu Baucau, maizumenus tuku 14:15 horseik (30/08) ne'ebé rezulta riin eletrisidade hitu tohar no balu latan hela iha estrada leten ne'ebé sei fó perigu ba movimentu transporte públiku nian.(*)