"Arte marisias ne'e sempre kria polémika no sai dezafiu boot ba seguransa. Tanba ne'e ita sempre ko'alia hanesan formaliza arte marsial para sira organiza malu ona, hanesan Taekwondo, Silat, Karate, Kempo para sai hanesan desportu nasional", dehan nia, iha Palásiu Prezidensiál, Bairru-Pité, Kuarta (8/5).
Eis-gerrileiru ne'e hatutan, bainhira sai ona desportu ida maka sei ba kompete iha nivel nasional no internasional hanesan desportiva, maibé ne'e Governu liuhusi Sekrétariu Estadu mak atu realiza.
"Bainhira sira hakarak oho malu, sira mak sei terus, sira nia inan-aman mak halerik no balun nia feen sai faluk eh oan kiak mós," dehan Lere.