Governante ne'e deklara lia hirak ne'e iha Parlamentu Nasional bainhira responde perguntas husi deputadu sira relasiona ho informasaun membru UPF debe fós iha Fronteira, Kinta (03/12).

"Los duni ida ne'e akontese, mais depois ida ne'e, Ministéiru Interiór iha fin de outubru ita mós distribui kedas fós ba UPF sira iha fronteira," nia deklara.

Governante ne'e akresenta iha fulan novembru Ministeiru interior mos distribui tan fos ba UPF inklui membru F-FDTL sira ne'ebé apoiu seguransa iha fronteira.

"Maski sira nia alimentasaun ne'e tarde, mais ba fos deit sira labele ba debe fali ema nian depois tan deit sira hamlaha, osan, hahan laiha sira tenki ba debe," António siak oitoan.

Antes ne'e deputadu husi bankada KHUNTO, Luis Roberto liu husi plenaria ba estensaun estadu emerjensia iha PN lamenta ho informasaun ne'ebé fo sai katak iha membru UPF sira balun ne'ebé tenki debe fos hodi aguenta tahan kabun tanba fos ba UPF seidauk destribui husi ministeiru relevante.(*)