Login to your account

Username *
Password *
Remember Me

Governu Sei Sosa Karreta Patrollamentu 25 ba Eskuadra PNTL

Vise Ministru Interior (VMI), António Armindo. Vise Ministru Interior (VMI), António Armindo. Foto Suplay

Tempotimor (Dili)-Governu liuhusi Ministériu Interior (MI) sei sosa karreta patrullamentu hamutuk unidade 25 ba Eskuadra Polísia Nasionál Timor-Leste (PNTL) sira iha territóriu tomak.

"Polítikamente Ministériu Interior hamutuk ho PNTL sei haree atu sosa tan karreta 25 iha tinan oin, hodi bele fahe ba eskuadra sira ne'ebé mak seidauk heetan”, dehan Vise Ministru Interior (VMI), António Armindo, hafoin halo inspesaun ba karreta sira PNTL nian iha komandu jerál Kaikoli, tersa (01/06).

Planu sosa karreta ne’e atubele fasilita PNTL halo servisu sira hodi ezekuta implementasaun Estadu Emerjénsia nomós preparasaun ba kampaña politika ba eleisaun prezidénsial iha tinan 2022 nomós Eleisaun Parlamentár.

Tanba inspesaun ne’ebé halo direta ba kareta hamutuk 21 ne'ebé kondisaun di'ak, no tuir planu Komandu Jerál sei distribui ba postu polísia no eskuadra sira ne’ebé seidauk iha transporte.

Inspesaun ne’e, atu haree kona-ba baze de dadus ba uzu veikulu ne’ebé rejista, nune’e bele mantein nia efisiente no efikas ba prosedimentu jestaun patramóniu atu rejistu.

“Ida seluk mak atu hare kondisaun fizika veikulu sira ne’ebé rntegra iha Ministériu Interior tomak, tanba inspesaun ne’e importante hodi kompleta dadus ne’ebé iha no ita konsidera karreta hirak ne’e seidauk sufisiente ba PNTL”, afirma nia.

Ho ida ne’e, sei kontinua halo kooperasaun ho doadór sira no parseria dezenvolvimentu sira ne’ebé akreditadu iha TL atu kontinua fó apoiu balu ne’ebé Ministériu Interior ho PNTL presiza.

“Ha'u hanoin sistema kontrola mak importante tebes, karik identifika buat balu bele rekomenda hodi rezolve kedan antes ita entrega ofisial ba PNTL. Maibé ohin iha inspesaun ne’e notifika karreta hotu ho kondisaun di'ak falta mak xapa matrikula”, dehan nia.

Maibé husu ba Komandu PNTL bainhira entrega veikulu hirak ne’e, husu atu halo treinamentu ka briefing ba motorista sira, nune’e bele nafatin iha kontrola karreta sira nia kondisaun labele aat lalais. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter