Login to your account

Username *
Password *
Remember Me

MAHOKA ho Voluntáriu Reabilita Postu Seguransa PNTL

Vise Ministru Interior (VMI), António Armindo. Vise Ministru Interior (VMI), António Armindo. Foto Tempo Timor

Tempotimor (Dili)-Vise Ministru Interior (VMI), António Armindo informa, individual Timoroan Mahoka voluntáriu reabilita Postu Seguransa Polísia Nasionál Timor-Leste (PNTL) iha Munisípiu Dili.

“Foin dadauk ne'e, tanba haree ba dodok loos ona, depois atu besik monu ona, tanba batu-merah ne'e kaundu bee kona, la dura. Ne'ebé foin dadauk ne'e señor Mahoka mak haree, nia dehan prontu, ha'u bele ba ajuda. Entaun, ida ne'e mak nia ajuda”, hatete António Armindo, ba www.tempotimor.com liuhusi telefone, kinta (05/08).

Maibé kona-ba valór orsamentu hira mak uza hodi reabilita sira ne'e, Governu rasik la hatene, tanba buat hotu kontribui ho voluntáriu de'it husi sidadaun volutáriu.

“Orsamentu, ita orsamentu laiha, ne'e hanesan ajuda, apoia de'it, nia sente hanesan sidadaun ida ne'ebé mak nia hakarak atu apoiu voluntariamente”, dehan nia.

Tanba asuntu dezenvolvimentu, la’ós governu mesak mak bele halo investimentu, maibé apoiu mós husi parseiru sira, setór privádu ho individu sira ne'ebé mak balu lakohi temi nia naran (anónimu), inklui sidadaun sé de'it bele kontribui iha dezenvolvimentu.

“Konforme, agora ha'u hatene ne'e foin tolu, ne'ebé konforme nia haree ba la'o mak nia dehan prontu, fatin ida hanesan ne'e ladun di'ak, ha'u hakarak ajuda ne'e, laiha buat ida. Importante mak labele ita mak ba husu, mais nia mak dehan prontu ha'u iha liu oituan ha'u hakarak ajuda. Ne'e kan kontribuisaun”, haktenik nia.

Postu Seguransa tolu ne'ebé reabilita hanesan Bairupite 1, Bairupite 2, no postu iha Kolmera Prokuradória Jerál Repúblika (PJR) nia oin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter