Tuir Informasaun ne'ebé www.tempotimor.com asesu iha pájina ofisiál servísu Relasaun Públika (28/09) operasaun kalan ne'e, hetan apoiu hosi Forsa Rezerva, Servisu Sekreta Makikit, Batallaun Ordem Publika (BOP), Companhia Alfa.

Atividade auto stop ne’ebe hala'o iha area Colmera, ekipa halo aprensaun ba motorizada hamutuk 61 ne’ebe viola kodigu Estrada, tanba maioria la monta xapa matrikula, halai makas halo barullu uza kanu racing, lampu laiha, la uza kapasete no karta kondusaun laiha.

Alende ne'e, halo mós pasa revista ba motorizada Governu nian ne'ebé maka halo movimentu iha tempu kalan.

Hafoin remata atividade ne’e, ekipa apoiu seksaun tranzitu Dili tula kedas evidensia motorizada hirak ne’e ba iha Komandu Munisipiu Dili hodi kontinua halo prosesu selu infrasaun ba infrator sira ne’ebe viola kodigu estrada. (*)