Arsenio Bano

“Serbisu Uma” husi Arsenio ba Lugu : Buat Barak Seidauk Halo iha Oékusse

November 14, 2019

Tempotimor (Dili)-Eis Prezidente Autoridade Interinu Rejiaun Administrativu Espesiál Oekusse-Ambeno (RAEOA) Arsenio Paixão Bano fó hela “serbisu uma” lubuk ida ba Prezidente Autoridade RAEOA foun, José Luis Guterres atu halo durante ninia mandatu tinan haat nia laran.

Prezidente interinu RAEOA-ZEESM, Arsenio Paixão Bano.

Munisipiu

Arsenio Bano: “Tenke Aprova Estatutu Atauro”

October 30, 2019

Tempotimor (Dili) – Prezidente Interinu Rejiaun Administrativu Espesiál Oé-Cusse Ambeno (RAEOA), Arsenio Paixão Bano katak atu halo dezenvolvimentu iha Atauro tenke liuhusi Oé-Cusse. Tan ne'e, tenke aprova uluk estatutu kona-ba Atauro nian.

"Atauro ami prepara tiha ona estatutu, liuhusi lideransa Dr. Mari Alkatiri. Tanba ne'e, Oé-Cusse atu tama iha Atauro so estatutu ba Atauro ne'e aprovadu. Tanba ami labele hakat nar-naran de'it," dehan Arsenio Bano remata audensia iha Parlamentu Nasionál (PN), Tersa (29/10/19).

Nia rekoñese, Zona Espesiál Ekonomia Sosiál Merkadu (ZEESM) Timor-Leste ne'e ba Oé-Cusse no Atauro. Maibé, nia dehan estatutu kona-ba Atauro nian tenke aprova lai.

"ZEESM Timor-Leste ne'e ba Oé-Cusse no Atauro. Maibé, atu tama iha Atauro, Atauro tenke iha estatutu. Estatutu ne'e, Dr. Mari Alkatiri haruka tiha ona. Sei iha intervensaun. Maibé, ha'u atu hateten katak buat hotu ne'e la'ós osan de'it. Maibé, buat hotu tenke iha esperiénsia, lideransa no seluk tan," dehan Bano.

Politika

Deputadu KHUNTO: Osan Boot ba RAEOA Saugati De’it

October 29, 2019

Tempotimor (Dili)-Membru Parlamentu Nasionál husi Bankada KHUNTO konsidera orsamentu estadu ne’ebé aloka ba Rejiaun Administrativu Espesial Oekusse-Ambeno (RAEOA) saugati de’it tanba la rezulta buat di’ak ida iha ne’ebá.

Prezidente Interino RAEOA ho ZEESM, Arsenio Paixão Bano

Ekonomia

RAEOA-ZEESM, Rekolla Taxa Rejionál Millaun $32

September 19, 2019

Tempotimor (Dili) – Durante ne'e, Rejiaun Administrativa Espesiál Oekusi-Ambeno (RAEOA) ho Zona Espesiál Ekonomia Sosiál Merkadu (ZEESM) rekolla ona taxa rejionál hamutuk Millaun $32.

"Reseita hirak ne'e, mai husi Alfandega, EDTL, impostu bainhira sasan sira tama no projetu hirak ne'e hotu mak hamutuk millioens 32 ba kofre rejionál," dehan Prezidente Interino RAEOA ho ZEESM, Arsenio Paixão Bano iha Ministériu Finansas, Aitarak Laran, Dili, Kuarta (18/09/10).

Kona-ba taxa husi Aeroportu Internasionál Rota do Sandal, Bano rekoñese seidauk boot. "Kobre, mas seidauk maka'aas. Ita foin hahú ne'e kobre uitoan," nia dehan.

Tuir Bano, aeroportu internasionál la'ós buat ida fasil. Presiza prepara buat barak. “Sertifikadu de'it ami seidauk iha. Ida ne'e preokupasaun ida mós husi Governu sentrál nian. Tenke halo hotu sertifikasaun internál no sei deskute ho Administrasaun Aeroporto no Navegasaun Aeréa Timor-Leste (ANATL),” Arsenio esplika.

Aeroportu Rota do Sandalo nu'udar aeroportu ho estandar internasionál ne'ebé hetan inagurasaun iha loron 17 Junu 2019.

Primeiru Ministru Taur Matan Ruak ko'alia hela ba Midia sira iha Palasiu Prezidensial Aitarak laran (08/08)

Politika

Ekipa Tranzisaun RAEOA-ZEESM PM: "Ha'u Ho Prezidente Interinu Rezolve Ona"

August 08, 2019

Tempotimor (Dili) – Primeiru Ministru (PM) Taur Matan Ruak ho Prezidente Interinu Rejiaun Administrativa Espesial Oé-Cusse Ambeno (RAEOA) no Zona Espesial Ekonomia Sosiál Merkadu (ZEESM), Arsenio Paixão Bano, rezolve tiha ona problema ne'ebé ekipa tranzisaun hasoru iha Oé-Cusse.

"Laiha buat ida. Tanba foin lalais señor prezidente interinu mai hasoru ha'u. Ami rezolve hotu problema. Agora la'o di'ak loos," dehan PM Taur Matan Ruak iha Palásiu Prezidensiál Bairro-pite, Kinta (08/08/2019).

Ekipa tranzisaun ne'ebé PM haruka ba halo avaliasaun ba projeitu hotu iha RAEOA no ZEESM, to'o iha Oé-Cusse iha loron 30 Jullu 2019 liubá.

Tenke Jestór Di'ak

Entretantu, Diretór Ezekutivu Forum ONG Timor-Leste (FONGTIL), Daniel Carmo dos Santos espera, lideransa ida ne'ebé atu lidera Rejiaun Administrativa Espesial Oé-Cusse Ambeno (RAEOA) no Zona Espesial Ekonomia Sosiál Merkadu (ZEESM) tenke iha matenek jestaun nian.

"Ita presiza ema ne'ebé iha kapasidade jestaun ne'e to'o ona. Nia atu polítika ka la polítika ne'e la'os ita nia kestaun. Tanba, ita la han no hemu polítika. Kestaun mak ema ne'ebé hatene jestaun," hatete Daniel Carmo dos Santos bainhira remata sorumutu ho Prezidente Repúblika iha Palásiu Prezidensiál Bairro-pite, Kinta (08/08/2019).

Tuir Daniel, sosiedade sivil preokupa mak sustentabilidade husi projeitu ZEESM ne'e. Tanba, nia dehan, estadu gasta tiha osan lubuk ida.