Tempotimor (Díli)-Embaixadór Republika Indonézia (RI) mai Timor-Leste (TL), Sahat Sitorus, konkorda planu Governu Timor-Leste ne'ebé atu monta  Falintil-Forsa Defesa Timor-Leste (F-FDTL) iha fronteira fasil atubele kombate movimentu ilegál sira.

"Planu Governu Timor-Leste nia atu destaka Falintil-Forsa Defeza Timor-Leste  (F-FDTL) iha fronteira ne’e ba ha'u hanoin laiha problema, ha'u hanoin ne'e di'ak liu nune'e bele hafasil koordenasaun ho Unidade Patrullamentu Fronteira (UPF) ho Tentara Nasional Indonesia (TNI) bele hala’o Patrulla hamutuk iha liña fronteira para bele kombate movimentu ilegál sira ne'ebé dadaun ne'e kontinua la’o", dehan Sahat hafoin hasoru malu ho Primeiru Min

Tempotimor (Dili) – Klibur Estudante Progresivu hamutuk ho povu maubere, Sesta (27/09/19) hala'o marsa da paz husi resintu UNTL to'o Embaixada Indonézia nian iha Farol, Dili.  

Portavoz Klibur Estudante Progresivu, Adriano da Costa hatete, iha Embaixada Indonézia, sira sei hato'o petisaun ba Embaixada Indonézia nian iha Dili.

“Husu ba ukun na'in Indonézia, atu fó liberdade ba povu West Papua. Tanba, West Papua la hola parte iha nasaun Indonézia,” informa Adriano ba jornalista iha resintu Universidade Nasionál Timor Lorosa’e (UNTL).

Nia dehan, asaun ida ne'e nu'udar apoiu solidariedade ba povu Papua. Tanba, tuir Adriano, povu Papua agora barak mak moris terus. Inklui estudante Papua sira ne'ebé hetan kapturasaun husi Polisia Indonézia.

“Amnistia Internasionál  ko'alia kona-ba violasaun direitus umanus iha Papua. Polisia Indonézia sira mós buka atu detein estudante iha ne'ebá,” dehan Adriano.

Nia afirma, husi agresaun fíziku ne'ebé povu Papua infrenta, Klibur Estudante Progresivu Timor-Leste, nu'udar estudante halo asaun hodi husu ba Governu Indonézia katak West Papua la hola parte iha NKRI.

"Ami hakarak labele iha intimidasaun, explorasaun, diskriminasaun, agresaun fíziku hasoru ema. Tanba ne'e, ami nu'udar estudante Timor Leste fó solidariedade umanitáriu ba povu Papua nia terus," nia afirma.

Iha fatin hanesan, estudante Maria Teresa sente triste tanba povu Papua barak mak hetan terus husi Indonézia, inklui estudante sira. “Tanba ne'e, liuhusi ami nia asaun ne'e hakarak fó solidariedade umanitáriu ba povu iha Papua no estudante sira iha Indonézia,” Maria hatete.