Temopotimor (Dili)- Relasiona ho situasaun disturbiu ne'ebe hamosu husi reprezentante povu iha Parlamentu Nasional rezulta meza Prezidente Parlamentu Nasional rahun. Amo lulik Domingos Soares Maubere ne'ebe hakat ba resintu Uma Fukun Parlamentu nasional hato'o nia sentimentu tristi ho hahalok membru orgaun lejislativu ne'e.
"Imi lalika trata malu, tanba imi iha ne'eba reprezenta ami, imi ida de'it reprezenta ema barak agora imi halo hanesan ne'e ami senti ba la diak, tanba oras ne'e povu hamlaha", dehan Amu iha Parlamentu Nasional, tersa (19/5).
VIDEO PUBLISIDADE APELU HUSI PM TAUR APLAUS BA FRONT LINE
Atual padre Parko Bekora ne'e relata, Nasaun Timor-Leste iha matadalan konstituisaun par regula no kordena buat hotu.
"Ita iha Lei, atu kordena la komprende karik bolu ema espesialista par esplika razaun iha ne'ebe hodi tuir, labele ba hakilar malu hanesan iha liur futu manu ba hakilar malu, sala justisa iha, tanba hotu-hotu hakruk ba justisa. Iha liberdade atu diskute maibe diskute ho ita nia matenek no razaun labele tan buat ki'ik ba haksesuk malu, oras ne'e povu iha krize kuaze tinan tolu ona", Nia hakotu.
.