Tempotimor (Dili)- Embaixadór Malázia iha Timor-Leste, Amarjit Sarjit hatete, Governu Malázia prontu hakarak ajuda polítika desentralizasaun ne’ebé Governu Konstitusionál dasia sei implementa iha Timor-Leste tuir programa ne’ebé trasa ba period tinan 2023-2028.

“Ha’u halo ona vizita kortezia ho Primeiru MInistru Xanan, ami diskute kona-ba kooperasuan nasaun rua nian. Iha oportunidade ne’e ko’alia mós kona-ba aspetu servisu hamutuk iha futuru entre Malázia ho Timor-Leste, Primeiru Ministru tau atensaun ba importánsia desentralizasaun iha Timor-Leste no husu Governu Malázia hodi buka meiu fó apoiu hanesan formasaun ba funsionáriu sira liliu aspetu rua importante hanesan planeamentu no finanseiru nian”, informa Embaixadór, Amarjit Sarjit hafoin enkontru ho Primeiru-Ministru, Kay Rala Xanana Gusmão, Palásiu Governu.

Tuir informasaun ne’ebé www.tempotimor.com asesu husi Pájina Primeiro-Ministro RDTL: Kay Rala Xanana Gusmão, kuarta (09/08/2023) katak, Embaixador Amarijit konsidera programa rua ne’ebé Governu dasia atu implementa importante hodi hadi’a jestaun servisu administrasaun no finansas governu nian la’o di’ak liután.

Tanba hahú kedas iha tinan 2000 to’o agora, Malázia ajuda ona formasaun ba funsionáriu sira iha área The Malaysian Technical Cooperation Program (MTCP).

“Husi kedas tinan 2000 mai ne’e ita fó ona formasaun ba funsionáriu na’in-600 liu ho nia tipu oioin liuhusi programa The Malaysian Technical Cooperation Program, no ita sei oferese programa formasaun ida-ne’e ba funsionáriu sira maibé nafatin foku ba aspetu rua ne’e (administrasaun no finansas)”, reforsa nia.

Iha fatin hanesan, Primeiru-Ministru, Kay Rala Xanana Gusmão, agradese ba apoiu no husu ba Embaixadór atubele sai ponte hodi liga governu nasaun rua bazeia ba nesesidade Timor-Leste nian.

Apoia ne’ebé Governu Malazia fó ba Timor-Leste atu ajuda jestaun no finansas Timor-Leste atu hetan governasaun di’ak. (*)

Tempotimor (Baukau)- Governu liu husi Ministériu Administrasaun Estatál (MAE) fó kompetensia ba Munisípiu atu jere rasik administrativa bazeia ba dekrétu lei Nu.3/2016 ne'ebé hatúr ona kona-ba estatutu Administrasoins Autóridade Munisípal.

Diretór Jerál Desentralizasaun Adminitrativa Administrasaun Estatál, Belarmino Felomeno Neves hatete, dadaun iha hela faze deskonsentrasaun Adminsitrativa triambulu dekrétu lei ne'ebé hatúr ona molok hakat ba kolektiva artigu 72 K-RDTL.

"Katak Kompetensia sira delega entrega mai iha Munisípiu sira, para sira jere organiza no regula rasik, maibé responsabilidade kontinua nafatin iha leten, katak sira nafatin hóla responsabilidade rona orientasaun rona ordem no instituisaun husi nasionál", nia dehan iha salaun sentru konvensaun Baukau, tersa (26/10).

Maibé, oitavu governu konstituisionál ba faze daruak komesa fó fiar ba kada Munisípiu sira, atu iha aspetu aprovizionamentu, nune'e bele hala'o rasik servisu la presiza rona tan órdem ruma husi parte nasionál.

Tanba, iha tinan 2020 orsamentu ne'ebé aloka ba Munisípiu 29 milloes, maibé iha tinan 2021 ne'e aumenta ba 57 Milloes, atufahe ba aréa oi-oin, tanba governu fó ona fiar ba atoridade sira atu jere rasik.

"Iha faze ida ne'e sira iha ona Autonomia Administrativa, Autonomia finanseira no mós autonomia patrimonia sira la hetan tán istrusaun husi nasionál, sira so hetan de'it akompanamentu supervizaun husi nasionál", nia esklarese

Plánu ne'e, sei hatudu intervensaun husi nasionál natoon de'it ba prosesu akompanamentu no mós supervizoriu, maibé dadaun iha Munisípiu seidauk iha aprezentasaun demokratika, tanba pesoál sira ne'ebé lidera administrasaun autoridade Munisípal seidauk eleze tuir plánu ne'ebé konstituisionál hatúr ona.

Iha faze datoluk bolu dezentralizasaun autonomu territoriál ne'e atu hatan ba artigu 72 KDRTL katak, Munisípiu sei dirize hosi pesóal kolektiva no sei eleitu hosi komunidade kada Munisípiu tantu orgaun ezekutivu no lejislativu banati tuir dekretu lei númeru 3/2021.

Parlamentu Nasionál rasik aprova ona lei poder lokál no eleisaun Munisípal, lei refere iha kriteria ema tenki sidadaun Timor-Leste, iha esperensia no propoint hosi komunidade no partidu polítiku.

"Maibé lei nee PN foin haruka ba Prezidente Repúblika para hetan nia promulgasaun", nia hakotu (*)