"Prezidente agradese tebtebes ba ha'u, agradese tebes ba Repúblik Xina, kona-ba ami-nia servisu bilateral la'o ne'e ho apoiu tomak, ne’ebé Xina fó ba Timor liliu iha situasuan pandemia nian no situasaun inudandaun ne'ebé fó apoiu material oioin, ekipamentu no inkluzivu osan", dehan Embaixadór Xina iha Timor-Leste, Xiao Jianguo hafoin hasoru malu ho PR Lú Olo iha Palasíu Prezidensiál Bairopite, sesta (03/12).
Atividade ne'ebé Repúblika Xina halo iha Timor-Leste, tinan hirak liuba fó apoiu ba pandemia Covid-19 liuhusi ekipamentu, vasina rihun-100 ba povu Timor no apoiu mós osan ba inundasaun nomós millaun 1 ba feto sira iha área remota, liliu inan sira ne'ebé fó susu ba labarik.
"Ba tinan oin ami hatete ba prezidente katak, ami agora ba oin sei reforsa nafatin ita-nia servisu hamutuk Xina ho Timor ninia servisu relasaun bilateral", afirma Embaixadór.
Xina iha tinan hirak nia laran to'o agora dezenvolvimenrtu pozitivu tebtebes, kona-ba kresimentu ekonomiku iha Timor-Leste , nune'e Embaixadór sente hanesan oportunidade di'ak ida, hodi uza nia pontu pozitivu kona-ba nia progresu ne'ebé nia alkansa iha Xina hodi bele fó apoiu ba Timor. (*)