Koordenadóra OPMT Munisípiu Baukau, Ana da Consiesão Ribeirro informa, membru OPMT hamutuk na’in-291 delegada ne’ebé halo konsentrasaun hili konsellu koordenadór Munisípiu atu ba partisipa iha kongresu nasionál.

"Objetivu konferensia atu hili estrutura foun ba tinan 2022 to'o 2024, tuir mandatu tinan lima", dehan nia iha salaun Jinajiu Vila Nova, Naukau, domingu (24/10).

Nune’e mós, Zélia Fernandes hanesan Adjunta Sekrétaria Jerál OPMT  hatete, iha konferensia dala-haat iha Munisípiu Baukau balun aprezenta reritoriu husi tinan 2016 to'o 2021 ba mandatu periodu ida ne'e nian, no halo avaliasaun ba relatoriu sira ne'ebé estrutura OPMT periodu dadaun ne’e aprezenta.

"Husi objetivu ne'ebé mak ohin hatete ne'e mós sei difini kona-ba estrategia saida mak OPMT munisípiu baukau sei halo mandatu ida tuir mai", dehan zélia.

Tanba, OPMT hanesan organizasaun Fretilin nian no airin ne'ebé tenke garantia fó susesu no vitoria ba partidu fretilin.

"Ita hatene 2022 sei iha festa demokrasia boot mak eleisaun prezidensiál no mós eleisaun Lejislativu OPMT sei fó vitória  ba fretilin", nia apoiu

OPMT mós hanesan feto fretilin ne’ebé halo esforsu no garante katak, fretilin sei manan iha eleisaun prezidensiál no legislativa.

Tanba ne’e, OPMT kontinua prontu atu rona no simu informasaun husi lideransa partidu nian, ba se de'it mak atu kandidatu-an, OPMT prontu atu fó votus. (*)