Antes, Ministériu Asuntu Kombatente Libertasaun Nasionál (MAKLN), ho koordenasaun ne'ebé iha katak, fó fiar ba veteranu tinan 24, José Agostinho Sequeira "Somotxo", hodi halo leitura ba biográfia saudozu Ma'hunu nian.
Bainhira to’o iha jardim dos Herois Metinaro hodi hala’o serimónia funerál Master Of Ceremmony (MC), bolu "Somtoxo" nia naran atu lé biográfia saudozu nian, maibé durante minutu rua liu, la prezente, tanba ho servisu parlamen nia ne’ebé importante.
Tanba ne’e, komisaun organizadóra ba serimónia funébre saudozu Ma'hunu nian, liuhusi Sekretáriu Estadu Asuntu Kombatentes ba Libertasaun Nasionál (SEAKLN), substitui fali ho Tenente Coronel de Infantaria, Mario Baptista (Bersama), hodi halo leitura ba biográfia saudozu Ma'hunu nian, molok haloot nia-isin iha jardím ba eroi iha Postu Admnistrativu Metinaru, Munisípiu Dili. (*)