Print this page

MPO Aprezenta Polítiku Kriasaun Zona Espesiál Protesaun Ambientál ba KM

By September 15, 2021 1423
Ministru Prezidénsia Konsellu Ministru (MPKM), Fidelis Leite Magalhães. Ministru Prezidénsia Konsellu Ministru (MPKM), Fidelis Leite Magalhães. Foto Suplay

Tempotimor (Díli)-Vise Primeiru Ministru (PM) no Ministru Planu no  Ordenamentu (MPO), José Maria dos Reis, aprezenta polítiku lejizlativa baze ba kriasaun Zona Espesiál Protesaun Ambientál no Ekolójika nian ba Konsellu Ministru (KM).

Ministru Prezidénsia Konsellu Ministru (MPKM), Fidelis Leite Magalhães hatete, aprezentasaun polítika ne’e, tanba husi Zona Espesiál Protesaun Ambientál no Ekolójika hirak ne’ebé sai hanesan área lubun ida ne’ebé ho valór no sensibilidade tuir ekolójiku nia haree ka husi espozisaun risku naturál sira, hanesan objetu protesaun espesiál.

"Opsaun sira ne’ebé propoin ona ho objetivu atu kria rejime jurídiku espesiál hodi estabelese konjuntu kondisionalizmu sira ba okupasaun, uzu no transformasaun rai, nomós atu determina uzu kompativel no inkompativel sira”, hateten Fidelis, iha Palásiu Governu kuarta (15/09).

Dadaun ne'e Governu Timor-Leste mós esforsu maka'as atu proteje rekursu naturál sira oinsá atu prezervasaun ba bee-moos no ai-horis sira atu labele iha estragu husi sidadaun sira.

"Objetivu prinsipál sira husi medida ne’e mak atu proteje rekursu naturál sira hanesan bee no rai, prevene degradasaun rekarga akiférus, prevene risku naturál sira (inundasaun, cheias, erozaun solu no deslizamentu vertente) no proteje ekosistema sensivel sira", esplika nia.

Komunidade barak mak oras iha kreatividade rasik oinsá atu hasees-an husi risku naturál nune'e liuhusi dalan prevene mak kria ai-horis no kuda ai iha fatin maran sira atu nune'e bele proteje Zona Espesiál Protesaun Ambientál no Ekolójika sira-nian. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items