"Tuir lolos redi ida mak importante la mosu iha ne'e, kolega sira hatene katak ita la inkluzivu, kolega sira Asosiasun Defisensia Timor-Leste (ADTL). Tanba membru ADTL ida hanesan RHTO sai mós membru ba Core Group Transparancy, ami-nia monitorizasaun ne'e hatudu katak ita-nia dezenvolvimentu infraestrutura durante ne'e seidauk asesu ba ema ho defisiensia”, hatete nia iha sentru formasaun FONGTIL, Kaikoli, kinta (08/70).
Husi situasaun ne’ebé afeita ba ema ho defisiénsia iha rai laran, parte husi sosiedade sira mós hato'o preokupasaun ida ne'e ba governu iha tinan 2020-2021, maibé, haree katak governu mós inisia duni programa ne'e iha jornada orsamental tinan 2022 ne’ebé ho kategória kresimentu inkluzivu.
Ho ida ne'e, espera katak dezenvolvimentu infraestrutura sira tenke tau planu di’ak, hodi bele fó garantia ba ema ho difisiénte sira liliu inan feto ho labarik sira ho katuas ferik sira ne’ebé mak aban bainrua sira-nia idade to'o 70-80 hodi tama kategória difisiénsia ona.
"Agora ita-nia estrada sira, trotoar sira, laiha ida que asesivel ba ema ho difisénsia. Ha’u hanoin ba kolega sira ne’ebé hola parte iha kampaña ida ne'e, ne’ebé ita atu dehan katak sura ho ha’u iha orsamentu jerál estadu 2022”, dehan nia. (*)