"Kuarentena Tasi-Tolu pormumentu agora, ita sei la utiliza, tanba depois de asesamentu iha rekomendasaun balun, ne'ebé agora fatin ne'e ita la utiliza, tanba sei halo hela renovasaun ba fasilidades ne'ebé sei menus", dehan Koordenadór Pilár VII Covid-19, Nilton do Carmo da Silva, ba jornalista sira, iha Palásiu das Cinzas Caicoli, tersa (27/01).

Nilton informa, sidadaun sira ne'ebé tama husi fronteira inklui sira ne'ebé tama ilegalmente, Ministériu Saúde (MS) iha ekipa pilár ne'ebé sei responsabiliza, hodi haruka ema sira ne'e, tama kuarentena obrigatoriamente, iha Otél hirak ne'ebé Governu prepara ona,

"Ministériu Saúde liu husi ekipa Covid-19, liu-liu pilár de entrada, pilár III no pilár vizilánsia, se maluk sira ne'e tama duni ilegál, depois de hetan atuasaun husi ita-nia membru UPF ou polísia sira, iha fronteira, asaun tuir mai mak, kolega pilár sira ne'e nia servisu asegura, para tama kuarentena obrigatóriu tenki tama kuarentena. Se karik fatin iha Batu-Gede iha, ita sei tau sira iha ne'ebá, se kuandu iha ne'ebá nakonu mak sei lori ou muda mai Dili, maibé sira ne'e, sei tau nafatin iha ne'ebá tanba iha ne'ebá fatin sei iha hela.(*)