Ho rezultadu ne’e, PN husu Prezidente Republika (PR) Francisco Guterres Lu-Olo atu deklara tan EE ba loron 30.

Iha aprovasaun ba renovasaun estadu emerjensia dasia ne'e, deputadu ne’ebé marka prezensa hamutuk na'in 51 no auzénte na'in 14.

Prezidente Parlamentu Nasionál Aniceto Guteres relata, deputadu sira ne'ebé prezente iha plenária debate estensaun estadu emerjénsia dasia hamutuk na'in 51.

"Distintus deputadus, deputadu prezente 51, eh husi 51 deputadus prezente rezultadu votasaun nominal ba Lei autorizasaun renovasaun da deklarasaun estadu emerjensia votu afavor 46, kontra zero, abstensaun 5, nune'e lei autorizasaun renovasaun da deklarasaun estadu emerjensia aprovadu", PPN hateten lia hirak ne’e hafoin debate estensaun Estadu Emerjensia dasia iha Parlamentu Nasionál, Kuarta (30/12).

Nia informa, Parlamentu Nasionál fó ona autorizasaun atu renova estadu emerjénsia ho nia implikasaun suspensaun ba direitu hirak ne'ebé temi iha Lei autorizasaun nia laran.

Nune'e, bainhira Prezidente Republika deklara renovasaun ba estadu emerjensia dasia durante loron 30 ne'ebe sei hahu husi loron 3 fulan janeiru to'o loron 1 febereiru tinan 21. (*)