Tempotimor (Dili)-Bazeia ba enkontru Ministériu Finansas (MF) nian liuhusi sekretariadu téknika konvoka sesaun traballu ho diretór jerál no diretór nasionál husi instituisaun implementadór sira deside ona katak, hahú tersa semana oin governu komesa eszekuta ona fundu Covid-19 tokon $150 ne'ebé Parlamentu Nasionál (PN) aprova ona.
Bazeia ba reuniaun ne'e afirma katak fundu Covid-19 tokon $150 ne'e sei ezekuta husi liña ministeriál no instituisaun sanulu.
Tuir Koordenador Sekretariadu Teknika Covid-19 Januário da Gama katak, fundu covid-19 nian implemetasaun ho karaktér transversál, tanba responde nesesidade situasaun emerjensia husi efeitu sira neebé mosu husi covid-19 ne'e rasik.
“Ohin MF liuhusi sekretariuadu téknika notifika ministeriu instituisaun implemetadór sira kona-ba disponibilidade fundu no sistema hodi sira bele ezekuta ona fundu nee” dehan Koordenador Sekretariadu Teknika Covid-19 Januário da Gama iha salaun MF, Tersa (28/04).
Nia afirma, fundu refere prontu ona enkuadra ona iha sistema institusaun bele ezekuta ona ho montante ne'ebé PN aprova ona.
VIDEO PUBLISIDADE APELU HUSI PM TAUR APLAUS BA FRONT LINE
“Osan tokon 150 sira hala'o sira nia planu submente ba iha Sentru Integradu ba Jestaun Krize (SIJK) ne'ebé formula hodi implemeta liuhusi programa tolu, hanesan prevensaun no mitigasaun covid-19, ho montante tokon $125.9 ho nia sub programa hamutuk 10, Programa segundu mak aumenta sustentabilidade produsaun produtividade hamutuk tokon $4.4, Parte terseiru mak asesu produtu alimentár ba alimentasaun servisu hamutuk tokon $9.1,” tenik diretór ne'e
Nia realsa, programa dahuluk nian, átu halo akizasaun ba foos hodi halo intervesaun ba merkadu no apoiu umanitáriu karik efeitu moras corona ne'e maka'as.
"Orsamentu ne'e alokasaun ba minstériu no institusaun 13, hanesan PN hetan rihun $500, Gabinete Primeiru Ministru tokon $1.6, SEKOMS hetan rihun $200.7, MAP hetan tokon $4.9, MNEK hetan tokon $2.4, MF hetan rihun $90, MS hetab tokon $54.2, MSSI hetan tokon $15, MTK hetan tokon $6, F-FDTL hetan tokon $12.5, PNTL hetan rihun $670, CLN hetan tokon $19.1, SIJK hetan tokon $34.5," afirma diretór ne'e.
Nia esplika, husi alokasaun sira ne'ebé temi, atu kontribui ba atividade no programa prevesaun no mitigasaun ba covid-19.
Nia realsa, kona-ba atividade prioridade sira, Konselu Jestaun sei halo aprovasaun iha inisiu fulan maiu halo sistema tuir nia andamentu para bele transfere ona ba minsitériu sira, nune'e hein katak iha 4 maiu bele efetivu ona implementasaun,”nia dehan.