Estudante na'in 9 ne'e loloos sai husi kuarentena iha 18 Abril, maibé aumenta loron rua tanba molok loron inkubasaun remata, iha estudante balun mak hatudu sintomas Covid-19.
Maibé, hafoin halo teste, konfirma katak estudante refere negativu Covid-19, ho nune'e, iha Segunda (20/04), sira livre ona husi kuarentena.
Diretor Unidade Apoiu Juridiku Ministeriu Saude Belarmino da Silva informa, estudante na'in sira ne'e kompostu husi mane na'in 4 no feto na'in 5.
"Sira ne'e mesak profisionais saude de'it ne'ebé mai husi Fizi no ohin sira kompleta sira-nia prosesu kurentina nian, depois de loron hirak liu ba iha asuntu balun ne'ebe mak presiza halo kompleta no rezultadu iha ona i ohin sira hotu bele fila ba uma," dehan nia iha salaun Hotel Audian Sakura, Segunda (20/04).
Diretór ne'e afirma, medisina na'in 9 ne'e bele fila ona ba uma no ajuda nafatin ministériu saúde hodi habelar informasaun kona-ba prevensaun Covid-19 nian ba komunidade tanba sira hatene di'ak liu oinsa atu prevene Covid-19.